АҚШнинг Массачусетс штатида наркотиклар билан савдо қилганликда гумонланиб қидирилаётган эркак грим суриб, қария кўринишига кириб олгани маълум бўлди, деб ёзади TJournal.
Полиция наркотиклар билан савдо қилишда гумонланаётган маҳаллий фуқаро Шон Миллернинг уйига келганида, уларни қандайдир қария қарши олди. Ўзларининг қаршисида турган киши қидирилаётган шахс эмаслигини кўриб, полициячилар ортга қайтди.
Кейинчалик текширув давомида полиция ходимлари биринчи ташриф чоғида улар аслида айнан гумон қилинаётган шахсга дуч келганини, аммо у юзига грим суриб олганини англади. Унинг уйини яна бир бора зиёрат қилишди ва бу сафар уни ҳибсга олишди.
Ўзини кекса чол қилиб кўрсатган 31 ёшли эркакни героин сақлаш ва тарқатишда айблаб, қўлга олишди. Миллернинг адвокати эса унинг мижози ушбу жиноятга алоқадорлигини рад этишини маълум қилди.
Изоҳ (0)