AQSh joriy haftada 55 nafar kubalik muhojirni yurtiga qaytardi. Ular dengiz orqali AQSh hududiga o‘tib olishga uringan va Florida ko‘rfazida to‘xtatib qolingan edi. Bu haqda, AQSh Qirg‘oq mudofaasiga tayanib, El Nuevo Herald nashri ma’lum qildi, deb xabar bermoqda “TASS”.
Qoidabuzarlar 36 va 19 kishidan iborat ikki guruhda Kuba shimoli-g‘arbidagi Kabanyas portiga yuborildi.
“Biz AQSh hududiga noqonuniy yetib olish uchun suzib o‘tishga uringan barchani ular o‘z hayotini xavf ostiga qo‘yayotganligidan ogohlantiramiz”, — dedi Qirg‘oq mudofaasi vakili kapitan Mark Gordon.
Qirg‘oq mudofaasining ma’lum qilishicha, o‘tgan oyda 834 nafar kubalik AQSh sohillariga yetib olishga uringan. Bu esa o‘tgan yilning iyul oyi ko‘rsatkichidan ikki barobar ortiqdir.
Izoh (0)