Венгрия ташқи ишлар ва ташқи иқтисодий алоқалар вазири Петер Сийярто Нью Йорк округ прокуратураси Венгрияга 1675 йилга оид ўғирланган езуит рисоласини қайтарганини маълум қилди. Маросим видеоси унинг YouTube каналида эълон қилинди.
Ма`лум қилишича, якшанба куни Нью Йоркда муаллифи Захария Трабер бўлган “Nervus Opticus Sive Tractatus Theoricus” номли 350 йиллик қўлёзмани топшириш маросими ўтказилган.
Унда иштирок этган Петер Сийярто прокуратура ходимларига миннатдорчилик билдирган.
“Биз бу хатти-ҳаракатни юқори баҳолаймиз, айниқса, бу Венгриядан ўғирланган ва Нью Йорк округ прокуратурасининг саъй-ҳаракатлари билан ватанига қайтарилган биринчи антиквар бойлик эканлигини ҳисобга олсак”, дея таъкидлаган сиёсатчи.
Вазирнинг қўшимча қилишича, ушбу воқеа Америка маъмурияти ўзгарганидан сўнг Венгрия ва Америка Қўшма Штатлари ўртасидаги муносабатлар яхшиланганини тасдиқлайди.
Изоҳ (0)