Бутунжаҳон бокс ташкилоти (WBO) Олександр Усикнинг навбатдаги жангини расман тасдиқлади. Ташкилот матбуот хизматининг маълум қилишича, украиналик боксчи Олександр Усик кейинги жангини янги зеландиялик Жозеф Паркерга қарши ўтказади. Томонларга жанг шартлари бўйича келишувга эришиш учун 30 кунлик муддат белгиланган.
Ҳозирда Усик оғир вазн тоифасининг мутлақ жаҳон чемпиони ҳисобланади. Жозеф Паркер эса WBO версияси бўйича вақтинчалик чемпион унвонига эга.
Усик сўнгги жангини 2025 йил 19 июль куни британиялик Даниэль Дюбуага қарши ўтказган бўлиб, бешинчи раундда рақибини нокаутга учратган. Профессионал фаолияти давомида у 24 та жанг ўтказиб, уларнинг барчасида ғалаба қозонган. Бу ғалабаларнинг аксарияти нокаут билан якунланган.
Жозеф Паркер эса ҳозиргача 39 та жанг ўтказган: 36 та ғалаба ва 3 та мағлубият.
Агар музокаралар муваффақиятли якунланса, ушбу баҳс қачон ва қаерда ўтказилиши аниқ бўлади.
Изоҳ (0)