Бугун,

  • USD 11095.31
  • RUB 173.84
  • EUR 10772.44

Полициячининг афро-америкаликка навбатдаги ўқ узиши натижасида Висконсин штатига қарашли Милуоки туманида оммавий тартибсизлик келиб чиқди, деб хабар берган «ТАСС». Бу ҳолат шанба куни рўй бергани маҳаллий Milwaukee Journal Sentinel нашрида қайд этилган.

Фото: Dw.com

Фото: Dw.com

Нашрнинг гувоҳлик беришича, тартибсизликда юзга яқин одам иштирок этган ва уларнинг аксар қисми ўзини тажовузкор томондан кўрсатган. Одамлар аввалига йўл четидаги автомашиналардан бирини ёқиб юборди, кейинроқ эса қолган машиналарнинг ойнасини синдиришга ўтиб кетди. Оламонни тинчлантириш учун полиция ва тезкор гуруҳ иш бошлади. Полиция кескин қарор қабул қилишга шошилмасдан, патруль машиналар ёрдамида вазиятни назорат қилишга уринган.

Аввалроқ полиция ҳодими иш вақтида қуролланган шубҳали шахсга қарата ўқ узганди. «Гап Милуоки шаҳрида яшовчи 23 ёшли йигит ҳақида бормоқда. Бунга қадар у бир қатор тартибсизликларда фаол бўлган. Масалан, у март ойидаги тартибсизлик вақтида тўппонча билан қуролланганди. Воқеа содир бўлган вақтда унинг ёнидан тўппонча ва 500 та патрон топилди», — деб изоҳ берган полиция бошқармаси.

Полициянинг қайд этишича, воқеада иштирок этган тартиб посбони 24 ёшда бўлиб, олти йилдан бери хизмат вазифасини бажаради. Шунинг уч йилини у офицер сифатида ўтказди. Полициячи жароҳатланмаган ва хизмат вазифасини бажариш тартиб-қоидасига кўра, вақтинча лавозимидан озод этилган. Унинг ҳатти-ҳаракати қонун доирасида бўлгани ёки йўқлиги масаласини Милуоки прокуратураси округи кўриб чиқади.

АҚШда сўнгги вақтларда қора танли фуқаролар ва полиция тўқнашуви ҳолатлари тез-тез кузатилаётгани тартиб сақловчи органларга нисбатан эътирозга сабаб бўлмоқда. Бунда полиция ҳодимлари томонидан қайд этилган иккита қотиллик асос сифатида кўрсатилган.

7 июль куни Далласдаги намойиш чоғида афро-америкалик Мика Хавьер Жонсоннинг ўқ очиши натижасида 5 нафар полициячи оламдан кўз юмганди. Шунингдек, 7 нафар полиция ҳодими ва икки фуқаро жароҳатланган. 17 июль куни эса АҚШ денгиз пиёдалари сафида хизмат қилган қора танли Гевин Лонг 3 нафар тартиб посбонини отиб ташлаган, яна шунчаси яралаганди. Ҳар икки ҳолатда ҳам тартиб бузувчилар полиция томонидан отиб ташланган.

Изоҳ
Асосий янгиликлар
Маҳаллий
Фото: Шавкат Мирзиёев иштирокидаги Наврўз умумхалқ байрамига бағишланган тантанали маросим
Спорт
Энг тартибли ҳимояга эга Ўзбекистон, 69 гол ва юздан ортиқ сариқ карточка. U-20 Осиё Кубоги—2023 рақамларда
Маҳаллий
Ўзбекистон Марказий Осиёда ягона тўлов тизими яратишни таклиф қилди