Ереванда полиция биноси қўлга олиниши чоғида ҳалок бўлган полициячилар сони уч кишига етди

Ереванда полиция полки қўлга олиниши натижасида ҳалок бўлганлар сони уч кишига етди, деб ёзади «ТАСС».

13 август куни Ереван касалхоналаридан бирида полиция прапоршчиги Гагик Мкртчян вафот этди, у 17 июль куни қуролли гуруҳнинг Арманистон пойтахтидаги патруль-пост хизмати полкига ҳужуми чоғида оғир жароҳатлар олган эди.

Отишма чоғида полиция катта прапоршчиги қорни, кўкраги ва оёғидан оғир яраланиб, тўртта жарроҳлик операциясини бошидан кечирган эди.

17 июль куни 31 нафар радикал мухолифат тарафдорларидан иборат қуролли гуруҳ «КрАЗ» юк машинасида патруль-пост хизмати полкининг дарвозасини бузиб кирди ва ҳарбий қисм ҳудудини эгаллаб олди. 31 июль куни кечқурун қуролли гуруҳ ҳукуматга таслим бўлди, унинг аъзолари ҳибсга олинди.

• Еревандаги қуролли қўзғолон