Туркиялик журналист аёл Жанан Кая 2016 йилги Олимпиада ўйинлари бўлиб ўтаётган Рио-де-Жанейро марказида жиноятчилар томонидан дўппосланди. Бу ҳақда у Спорт матбуоти халқаро ассоциациясига маълум қилди, деб ёзади «ТАСС».
«Жума (12 август) куни эрталаб менга уч йигит ҳужум қилди, улардан бири юзимга мушт туширди, сўнг улар мени ерга йиқитди, — деди Кая. — Ўткинчилардан ҳеч бири менга ёрдам бериш учун тўхтамади. Улар қочиб кетганидан кейин мен Олимпиада ўйинлари ташкилий қўмитаси ходимлари ва кўнгиллилар ёнига бордим. Улардан ҳеч ким менга ёрдам бера олмади, ким билан гаплашиш ҳақида маслаҳат бера олмади, натижада ўзимни янада ёмонроқ ҳис қилдим».
Бразилиянинг Globo портали хабарига кўра, полиция жиноятни шу куни куннинг иккинчи ярмида франциялик сайёҳларга ҳужум қилишда айбланиб қўлга олинган шахслар гуруҳи амалга оширганини гумон қилмоқда.
Изоҳ (0)