Жорий йил бошидан буён Буюк Британияда Зика вирусига чалиниш билан боғлиқ 53 ҳолат қайд этилди. Бу ҳақда, The Daily Mirror нашрига асосланиб, «ТАСС» хабар бермоқда.
«Бу ҳолатларнинг бари хориждан қайтаётган одамлар билан боғлиқ эди», — маълум қилинди хабарномада.
Нашрнинг билдиришича, вирусга йўлиққан британияликлар сони яқин вақт ичида янада кўпайиши мумкин, негаки айни пайтда 50 минг нафар фуқаро Флоридада (АҚШ) дам олмоқда. Ушбу штатда Зикага чалиниш билан боғлиқ 96 ҳолат қайд қилинди. АҚШда Зика хасталари сони 1650 кишини ташкил этади.
Изоҳ (0)