Yil boshidan buyon Britaniyada 53 kishi Zika virusiga chalindi

Joriy yil boshidan buyon Buyuk Britaniyada Zika virusiga chalinish bilan bog‘liq 53 holat qayd etildi. Bu haqda, The Daily Mirror nashriga asoslanib, “TASS” xabar bermoqda.

“Bu holatlarning bari xorijdan qaytayotgan odamlar bilan bog‘liq edi”, — ma’lum qilindi xabarnomada.

Nashrning bildirishicha, virusga yo‘liqqan britaniyaliklar soni yaqin vaqt ichida yanada ko‘payishi mumkin, negaki ayni paytda 50 ming nafar fuqaro Floridada (AQSh) dam olmoqda. Ushbu shtatda Zikaga chalinish bilan bog‘liq 96 holat qayd qilindi. AQShda Zika xastalari soni 1650 kishini tashkil etadi.