КХДР мамлакат шарқий соҳилидаги Хамгён-Намдо провинциясида жойлашган Синпхо шаҳри яқинида баллистик ракеталарга эга субмариналар учун иккита янги бандаргоҳ қурмоқда. Бу ҳақда, Kyodo агентлигига асосланиб, «ТАСС» хабар бермоқда.
IHS Jane’s халқаро ахборот-таҳлилий маркази ходимлари мавжуд маълумотларни ўрганиш асосида шундай хулосага келди. Улар шу йилнинг май ойида сунъий йўлдошдан туширилган суратларни синчиклаб ўрганиб чиқиш асосида докларнинг узунлиги 150 метрни ташкил қилади, деган тўхтамга келди. Уларда тахминан «Синпхо» тоифасидаги 2–2,5 минг тонна сиғимли субмариналар жойлашади, ва улардан ҳар бири баллистик ракета учириши мумкин бўлади. Мутахассисларнинг ҳисоб-китобига кўра, доклар қурилиши 2009 йил августидан 2012 йил ноябригача бўлган давр оралиғида бошланган ва айни пайтда якуний босқичда.
Жанубий Корея разведкасидаги маълумотларга қараганда, КХДРда 70 та сув ости кемаси бор.
Изоҳ (0)