Киевда ўлдирилган журналист Павел Шеремет 23 июль, шанба куни Минск яқинидаги Шимолий қабристонида, отасининг ёнида дафн этилди. Бу ҳақда «ТАСС» хабар бермоқда.
Дафндан аввал хайрлашув маросими бўлиб ўтди. Марҳум тобути қўйилган черковга тўрт соат давомида минскликлар, Беларусь журналистлари, сиёсатчилар ва жамоат арбоблари гулдасталар билан келди. Шунингдек, маросимда украиналик журналистлар, Олий Рада депутатлари ҳам иштирок этди.
Эслатиб ўтамиз, Павел Шеремет 20 июль куни тонгда Киевда ҳалок бўлди: у ишга кетаётган машинада портловчи қурилма ҳаракатга келди. Полиция унинг ўлимини қасддан қотиллик сифатида баҳолади.
Изоҳ (0)