АҚШ фармацевтика саноати гиганти Pfizer Anacor Pharmaceuticals компаниясини сотиб олиш бўйича келишув якунига етганини маълум қилди. Келишув суммаси 5,2 миллиард долларни ташкил этди, Pfizer Anacor’нинг ҳар бир акцияси учун 99,25 доллар тўлайди. Бу ҳақда «ТАСС» хабар бермоқда.
Pfizer экземага қарши препарат ишлаб чиқарувчи компания сотиб олиниши тўғрисида 16 майда эълон қилганди. Anacor томонидан тайёрланган Crisaborole гели енгил ва ўрта даражадаги тери экземасини даволаш учун мўлжалланган.
Маълумот учун, кейинги 15 йил давомида Қўшма Штатларда кенг тарқалган ва 25 миллион киши азият чекадиган сурункали тери касаллиги — экземага қарши бирорта ҳам янги препарат рўйхатдан ўтказилмаган.
Изоҳ (0)