Alibaba Group асосчиси Жек Ма Петербургда бўлиб ўтаётган халқаро иқтисодий форумдаги чиқишида компанияси яратилишини ҳаётидаги энг катта хато деб атади. Бу ҳақда «Vc.ru» хабар бермоқда.
«Alibaba’ни тузганим энг катта хатоим бўлди. Мен бу нарса ҳаётимни шунчалик ўзгартириб юборишини кутмагандим, фақат кичик компания яратмоқчи бўлганман. Иш туфайли меъёрдагидек ҳаётим йўқ. Агар яна бир умрим бўлса, ҳеч қачон бундай бизнес билан шуғулланмайман. Дунёнинг исталган мамлакатига бориш ва у ерда хотиржам вақт ўтказиш имкониятига эга бўлишни истайман. Бизнес ҳақида гапиришни, ишлашни хоҳламайман», — дея таъкидлаган Ма.
Шу билан бирга, Alibaba асосчиси «дунёдаги барча корхоналарни қувватловчи электрон йўлак яратилиши»ни ўзининг асосий мақсади эканлигини билдирган.
Жек Ма Alibaba Group устида 1992 йилда иш бошлаган ва 1999 йили унга асос солган, бунгача у оддий ўқитувчи бўлиб ишлаган. Ҳозирги кунда у Forbes миллиардерлари рейтингида 31-ўринда қайд этилган, мол-мулки эса 23,2 миллиард долларга баҳоланади.
Изоҳ (0)