Тошкентда 23—24 июнь кунлари бўлиб ўтадиган ШҲТ саммитида ташкилотга Ҳиндистон ва Покистоннинг қўшилиш жараёни бошланади. Бу ҳақда маълум қилган Хитойнинг «Жэньминь жибао» нашрига кўра, «ташкилот шу тариқа ўз таркибини кенгайтириш учун муҳим қадам ташлайди», дея хабар беради UzDaily.
ШҲТнинг тўлақонли аъзоси мақомини олиш учун талабгор давлат 30 дан ортиқ ҳужжатни қабул қилиши талаб этилади.
«Улар тўлиқ ва гап-сўзсиз қабул қилиниши керак, жумладан, асосий ҳужжат — узоқ муддатли қўшничилик, дўстлик ва ҳамкорлик ҳақидаги шартномани. Бу икки мамлакат ҳам салкам 11 йил давомида кузатувчи бўлиб келди. Уларнинг тўлақонли аъзо бўлиш ҳақидаги қарори чуқур ўйлаб кўрилган, асло урфга берилиш эмас.
Биз ташкилот бундан ютишига ишонамиз. Ҳиндистон ва Покистон ҳам ШҲТнинг тўлақонли аъзоси бўлишдан фақат ютишига шубҳа йўқ», — дея таъкидлаган ташкилот бош котиби Рашид Алимов.
Изоҳ (0)