Филадельфия (Пенсильвания штати, АҚШ) шаҳар кенгаши депутатлари шакар ёки исталган бошқа ширин таъм берувчи қўшимчаларга эга алкоголсиз ичимликларга махсус солиқ жорий этиш ҳақида қарор қабул қилди. Бу ҳақда «РБК» хабар бермоқда.
Қарорга кўра, 2017 йилнинг 1 январидан бошлаб Coca-Cola, Pepsi ёки бошқа ширин газли ичимликнинг ҳар бир унциясидан (тахминан 29,5 миллилитр) шаҳар бюджетига 1,5 цент ажратилиши лозим. Шу тариқа одатий банка нархи 18 цент, икки литрли бутилка баҳоси эса 1,02 долларга кўтарилади.
Филадельфия расмийлари ҳисоб-китобига кўра, янги солиқ шаҳар ғазнасига йилига 91 миллион доллар келтиради. Бу маблағни мэрия боғлар ва спорт марказларини ривожлантиришга сарфлаш ва шу тариқа ўта калорияли ичимликлар шаҳарликлар соғлиғига етказаётган зарарни қисман қоплашга кўмаклашиш ниятида.
Изоҳ (0)