Россия ҳарбий-денгиз академиясида 2015 йили амалга оширилган юзни кўчириб ўтказиш бўйича операция «Эътироф» тиббий мукофотига лойиқ кўрилди. Бу ҳақда Россия мудофаа вазирлиги матбуот хизмати маълум қилди, дея хабар беради «Интерфакс».
«Ҳарбий шифокорлар ва уларнинг фуқаровий ҳамкасблари оғир электр жароҳатидан жабрланган 19 ёшли беморга юз тўқималарини кўчириб ўтказиш бўйича операция учун тақдирланди. Мазкур операция нафақат маҳаллий, балки дунё тиббий амалиётида ҳам ноёб ҳисобланади. Унинг ўтказилишини мураккаб бўлган томони шундаки, тиббий тажриба мавжуд эмаслигидан ташқари амалдаги қонунчиликка ўзгариш киритиш зарурати ҳам туғилди. Шунингдек, донорлик юзини топиш ва уни ҳарбий-денгиз академиясига етказишда айрим муаммолар юзага келди. Операциянинг ўзи бир суткадан ошиқ давом этди», — дея таъкидланган матбуот хизмати хабарида.
Ҳозирда ушбу операцияни бошидан ўтказган йигит академияда тикланиш курсини ўтамоқда ва олий ўқув юртига киришга тайёргарлик кўрмоқда.
Изоҳ (0)