АҚШ президентлик лавозимига Демократик партиядан номзод Ҳиллари Клинтон «Республикачилар Трампга қарши» номи остидаги сайтни ишга туширди. Бу ҳақда «РБК» хабар бермоқда.
Унда Клинтон сайловларда Республикачилар партиясидан номзод Дональд Трампга овоз бермайдиган америкаликларга «Республикачилар Трампга қарши» ёзуви туширилган наклейка совға қилишга ваъда бермоқда.
Сайтда наклейкани олиш учун тўлдириш зарур бўлган тегишли форма жойлаштирилган.
Сайт айнан Клинтон томонидан ишга туширилганлиги ҳақида Politico нашри маълум қилган. Унинг маълум қилишича, сайт 27 май куни рўйхатга олинган ва 2 июнь куни ишга туширилган.
АҚШда президентлик лавозими учун сайловлар 2016 йилнинг 8 ноябрида бўлиб ўтади.
Изоҳ (0)