Исроил ҳукумати Рамазон ойида 83 минг фаластинликнинг ўз ҳудудига кириши учун рухсатнома амал қилишини тўхтатиб қўйди, деб ёзади «Интерфакс» Ғарб ОАВларига таяниб.
«Рамазон ойи давомида мамлакатга кириш учун барча рухсатлар, хусусан, Иудея ва Самариядан Исроилга оилавий сафарлар вақтинчалик тўхтатилди», — дейилади Исроил мудофаа вазирлиги ҳузуридаги CОGАТ ҳукумат хизмати баёнотида.
Бундан ташқари, аввалроқ Ғазо аҳолисига Исроилдаги қариндошларини зиёрат қилиш учун берилган 200 та рухсатноманинг амал қилиши ҳам ватинчалик тўхтатиб қўйилди.
Мамлакатга киришни чеклаш тўғрисидаги қарор Тель-Авивнинг марказий қисмида номаълум кишилар ўт очганидан сўнг қабул қилинди. Отишма натижасида тўрт киши ҳалок бўлди.
Изоҳ (0)