«Жабҳат ан-Нусра» жангарилари Алеппони портловчи модда тўлдирилган газ баллонлари билан ўққа тутиши оқибатида беш киши ҳалок бўлди, 50 дан зиёд киши жароҳатланди. Бу ҳақда 9 июнь, пайшанба куни Суриядаги можаро томонларини яраштириш маркази вакили маълум қилди, дея хабар беради «Интерфакс».
«‘Жабҳат ан-Нусра’ жангарилари портловчи модда тўлдирилган газ баллонлари билан Алеппо шаҳрининг Майдон ҳудудидаги бозорни ўққа тутиши оқибатида 5 нафар тинч аҳоли вакили ҳалок бўлди, 50 дан зиёд киши яраланди. 20 га яқин турар-жой шикастланди. Бу ‘Жабҳат ан-Нусра’ қурбонлар сони кўп бўлиши учун атайин шаҳар аҳолиси оммавий тўпланадиган манзилларга зарба бераётган биринчи ҳолат эмас», — дея таъкидлаган вакил.
Унинг сўзларига кўра, жангарилар Алепподан ташқари Идлиб, Латакия, Хама, Дамашқ вилоятларидаги аҳоли пунктлари ва ҳукумат кучлари блокпостларини ҳам ўққа тутган.
Изоҳ (0)