Қозоғистонда Ақтўбедаги теракт қурбонлари хотирасига эълон қилинган миллий мотам куни бўлиб ўтмоқда. Бу ҳақда «ТАСС» хабар бермоқда.
Мамлакатда давлат байроқлари туширилган, қўнгилочар тадбирлар бекор қилинган. Радио ва телеканалларда кўнгилочар дастурлар ва реклама тўхтатилган.
Республика ИИВ расмий вакили Алмас Садубаевга кўра, «полиция ва махсус хизматлар Ақтўбедаги ҳужумларга алоқадорликда гумон қилиниб қидирувга берилган олти нафар шахсни қидиришда давом этмоқда».
Охирги маълумотларга кўра, Ақтўбедаги қурол дўконлари ва Миллий гвардия ҳарбий қисмига ҳужумлар оқибатида етти киши, жумладан, уч нафар ҳарбий хизматчи ҳалок бўлган, 38 киши турли даражада жароҳат олган. Аксилтеррор операциясини ўтказиш давомида 13 нафар жиноятчи ўлдирилган, тўрт нафари яраланган, олти киши қидирувга берилган.
Изоҳ (0)