31 май куни Хоразм вилоятида, Урганч шаҳрида «Китоб олами» тармоғининг навбатдаги дўкони очилди. Бу ҳақда «Газета.uz» хабар бермоқда.
Ўзбекистон матбуот ва ахборот агентлиги матбуот хизматининг маълум қилишича, очилиш маросимида вилоят ҳокими Пўлат Бобожонов ва агентлик бош директори Омонулла Юнусов иштирок этди.
550 квадрат метр майдонга эга дўконда 2 минг ном остидаги 25 минг китоб тақдим этилган. Тармоқнинг бошқа дўконларида бўлганидек, бу ерда ҳам болалар бурчаги ва кафе мавжуд.
Хоразмдаги «Китоб олами»нинг нархлари Тошкентдаги дўкон нархларидан фарқ қилмайди.
Биринчи «Китоб олами» ўтган йилнинг ноябрь ойида Тошкентда очилган эди. Апрель ойининг охиридан буён тармоқ дўконлари Нукусда, Наманганда, Фарғонада ва Андижонда очилди. Эндиги навбатда Бухоро тургани айтилмоқда.
Изоҳ (0)