Венесуэла президенти Николас Мадуро агар ҳукумат тегишли петиция остида тўпланган 1,85 миллион овозни ҳақиқий деб тан олса, ўз истеъфоси бўйича референдум ўтказишга рухсат беришини маълум қилди. Бу ҳақда AFP агентлиги маълумотига таяниб, «РИА Новости» хабар беради.
Президент Мадурони ҳукуматдан четлатиш бўйича референдум ўтказиш учун чиқиш қилаётган фаоллар 2 май, душанба куни жараённи давом эттириш учун зарур бўлган имзоларни ҳукуматга тақдим этганлигини маълум қилган эди.
«Агар ушбу иккинчи босқичда улар имзолар тўпланганлигини маълум қилса, биз референдум босқичига ўтамиз, нуқта», — деди Мадуро ўзининг радио орқали мурожаатида.
Изоҳ (0)