Республикачилар партиясидан АҚШ президентлигига номзодликка даъвогар Дональд Трамп учун Индиана штатидаги дастлабки сайловлардаги ғалаба партиядан расман номзод этиб илгари сурилишида муҳим қадам бўлади. Унинг асосий рақиби сенатор Тед Круз учун эса Индианадаги сайловлар натижалари «ҳаёт-мамот масаласи»ни англатади. CNN телеканали мазкур штатдаги праймеризга шундай баҳо берди, дея маълум қилди «ТАСС».
«Трамп Индиана штатида ғолиб чиққан тақдирда унинг республикачилар миллий съездида президентликка расман номзод сифатида илгари сурилмаслигини тасаввур этиш қийин. Шубҳасиз, Индианадаги ғалаба унга номзодлик кафолатланишида муҳим қадам бўлади», — дея таъкидлаган телеканалга берган интервьюсида АҚШ Конгресси вакиллар палатасининг Индиана штатидан аъзоси Адам Кинзингер.
Маълумот учун, мазкур штатда амалда бўлган қоидаларга кўра, дастлабки сайловларда ғолиб чиққан номзод Индиана делегатларининг барча овозини олади.
Изоҳ (0)