Британиялик экспрессионист рассом Фрэнсис Бэконнинг (1909–1992) бешта картинаси Испания пойтахти Мадрид марказидаги шахсий уйдан ўғирлаб кетилди. Бу ҳақда El Pais газетасига асосланиб, «ТАСС» хабар бермоқда.
Айтилишича, ўғрилик ўтган йилнинг июнида содир этилган, аммо полиция ҳам, коллекция эгаси ҳам бу ахборотни шу пайтгача ошкор қилмай келган.
Расмларнинг умумий қиймати 30 миллион еврога баҳоланмоқда. Улар Бэконнинг дўстига тегишли бўлган. Уй Мадриднинг хавфсиз туманида, сенат биноси яқинида жойлашган. Шунга қарамай, қўшнилар ўғрилик куни ҳеч нарсани эшитмаган. Номаълум талончилар сигнализацияни ўчириб, уй ичкарисига киришга муваффақ бўлган.
Изоҳ (0)