Россия Давлат думасининг Коммунистик партиядан депутатлари президент Владимир Путинни АҚШ президентлигига номзод Ҳиллари Клинтонга қарши санкциялар киритишга чақирди, деб ёзади «РБК».
Клинтон, ташаббус муаллифлари фикрича, АҚШда қамоқ муддатини ўтаётган россиялик учувчи Константин Ярошенконинг иши билан боғлиқ «Ярошенко рўйхати» деб аталадиган рўйхатнинг асосий фигурантига айланиши керак. Ярошенкони тутиш бўйича 2010 йилда Либерияда ўтказилган операция Клинтон томонидан тасдиқланмаган бўлиши мумкин эмас, деб ҳисоблайди депутатлар.
Санкциялар АҚШдаги яна бир қатор мансабдорларга нисбатан ҳам жорий қилиниши кераклиги айтилган.
Константин Ярошенко АҚШга наркотикларнинг йирик партиясини олиб кириш мақсадида тил бириктиришда айбланиб, 20 йилга озодликдан маҳрум этилган. Тергов версиясига кўра, у Либерияга келиб, Венесуэладан АҚШга Африка орқали бир неча тонна кокаин олиб кириш ҳақида келишиб олган.
Изоҳ (0)