Исроил «олтилик» давлатларини (БМТ Хавфсизлик Кенгашининг беш доимий аъзоси ва Германия) баллистик ракеталарини синовдан ўтказган Эронни жазолашга чақиради. Бу ҳақда бош вазир Биньямин Нетаньяху мамлакат ҳукуматининг ҳафталик йиғилиши чоғида маълум қилган, дея хабар беради «ТАСС».
«Эрон бундай ҳаракатлари учун жазоланмаслиги мумкин эмас. Ташқи ишлар вазирлигига Эрон билан ядро келишувини имзолаган давлатларга ўз мажбуриятларини бажариш ва Эрон БМТ Хавфсизлик Кенгашининг ракеталарга оид резолюциясини бузишига йўл қўймаслигини таъминлашларини сўраб, мурожаат этишни топширдим», — дея таъкидлаган Нетаньяху.
Бош вазирнинг айтишича, «Исроил уларнинг жавобини сабрсизлик билан кутади».
Изоҳ (0)