Шанхай ҳамкорлик ташкилоти бош котиби Рашид Алимов ва Озарбайжон ташқи ишлар вазири Эльмар Мамедъяров Озарбайжонга ШҲТ диалоги бўйича шерик мақомини тақдим этиш ҳақидаги Меморандумни имзолади, дея хабар бермоқда «Газета.uz». Имзолаш маросими ШҲТнинг Пекиндаги бош қароргоҳида 14 март, душанба куни бўлиб ўтди.
«Бу биз учун катта шараф. Ўзаро муносабатларимиз йўли 2012 йилда, Озарбайжон президенти Илҳом Алиев ШҲТга Озарбайжон ШҲТ кузатувчиси мақомига эга бўлиши ҳақидаги ғоя битилган расмий хатни жўнатган вақтда бошланган эди. Шундай экан, тушунганингиздек, Озарбайжоннинг орзулари шунчаки диалог бўйича мақомдан кўра анча юқори», — деди Мамедъяров.
Озарбайжон, шунингдек, Арманистон, Непал ва Шри-Ланкага диалог бўйича шерик мақомини бериш ҳақидаги қарор ўтган йилнинг июлида Уфадаги саммитда қабул қилинган эди.
Изоҳ (0)