Москвада эркак киши кичик ёшдаги боласи билан эвакуаторга ортилган автомобиль ичига қамалиб олди, деб хабар беради «РБК».
Машина эгаси унинг машинасини эвакуация қилишмоқчи эканлигини кўрган. Унинг ёнида транспортга эгалик қилувчи ҳеч қандай ҳужжат йўқ эди. Эвакуация хизмати ўз ишини давом эттираверди, эркак эса боласи билан автомобиль салонига киришга муваффақ бўлди ва эшикларни қулфлаб олди.
Унинг аёли машинанинг ҳужжатларини олиб келганидан сўнг можаро барҳам топди.
Автомобиль эгаси машинани нотўғри парковка қилгани учун 3 минг рубль миқдорида жаримага тортилди. Машина жойидан жилмагани учун эвакуацияга пул тўланмайди.
Изоҳ (0)