Хитой жануби-ғарбида устунларининг оралиғи дунё бўйича энг узун бўлган темирйўл кўприги қурилди. Бу ҳақда «ТАСС» хабар бермоқда.
Кўприк Юньнань вилоятида барпо этилди, у Наньпаньцзян дарёсининг икки қирғоғини бирлаштириб туради. Беш йил давомида қурилган темир-бетон кўприк сув сатҳидан 270 метр баландликда жойлашган, унинг асосий устунлари орасидаги масофа 416 метрни ташкил этади.
Янги кўприк Юньнань маркази Куньмин ва қўшни Гуанси-Чжуан мухтор тумани маркази Наньнин шаҳарлари орасида қатновчи йўловчи ҳамда юк поездлари ҳаракатини тезлаштириш имконини беради. Энди поездлар икки шаҳар оралиғини аввалгидан икки баробар тезроқ, атиги беш соат мобайнида босиб ўтиши мумкин.
Изоҳ (0)