Олимлар 30 йил олдин музлатиб қўйилган «сув айиғи»ни тирилтирди

Криобиологлар 30 йил олдин анабиоз (организм ҳаётий фаолиятининг вақтинча секинлашиб ёки тўхтаб, зарур шароит туғилиши билан яна тикланиши) ҳолатига туширилган икки астаюрарни тирилтирди. Тадқиқот натижалари Cryobiology журналида чоп қилинди, деб хабар беради «Корреспондент.net».

Япониянинг Миллий институти олимлари 1983 йилдан бери Цельсий бўйича 20 даража совуқда музлатиб қўйилган астаюрарларни жонлантирди.

Жониворлардан бири 20 кундан кейин нобуд бўлди, иккинчиси эса 23 кундан сўнг тухум қўйишга муваффақ бўлди.

Олимлар жониворнинг организм функциялари ва ирсий тизими тикланиши учун вақт керак, деб ҳисобламоқда. Биологлар ушбу жонивор устидаги тадқиқотларни давом эттирмоқчи.

Астаюрарларнинг катталиги 0,1—1,5 мм келади. Уларни баъзида «сув айиғи» деб аташади.