Хитой шимоли-шарқида кондаги портлаш оқибатида 19 ишчи қурбон бўлди

Хитой шимоли-шарқидаги Хэйлунцзян провинцияси Хэган шаҳар округи Сянъян туманида конда юза келган портлаш туфайли қамалиб қолган 19 нафар кончиларнинг барчаси ҳалок бўлди, дея хабар бермоқда «ТАСС» «Синьхуа» агентлигига таяниб.

Ер остида қамалда қолган кончиларга икки кундан буён ёрдам беришга уринган қутқарувчилар юқори ҳарорат ва ҳаводаги газлар туфайли кончиларда омон қолиш имконияти йўқлигини айтди. Қутқарув операцияси раҳбарияти конни беркитиб, муҳрлаб қўйиш ва алангани ўчириш учун унга инерт газни киритиш ҳақида қарор қабул қилди.

Портлаш 16 декабрь, чоршанба куни маҳаллий вақт билан 14:30 да (Тошкент вақти билан 11:30 да) содир бўлди, бу пайтда ер остида 52 киши ишлаётган бўлган, улардан 33 нафари эсон-омон ер юзасига чиқиб олишга муваффақ бўлган.