АҚШда Сан-Бернардинодаги оммавий қотиллик иштирокчиси Ризвон Форуқнинг собиқ қўшниси — 24 ёшли Энрике Маркес ҳибсга олинди, дея хабар бермоқда Meduza. Унга террорчилик, ноқонуний равишда қурол сотиб олиш ва миграция идораларини чалғитиш айбловлари қўйилди.
2011—2012 йилларда Маркес Форуқнинг илтимоси билан қурол сотиб олган, 2 декабрь куни Форуқ ва унинг рафиқаси Ташфин Малик айнан шу қурол билан 14 кишини ўлдирган. Тергов версиясига кўра, Форуқ ўзининг исми ҳужжатларда акс этишини истамаган.
АҚШ адлия вазирлиги баёнотида айтилишича, ўша йилларда Форуқ ва Маркес Риверсайд коллежи ва федерал трассада терактлар уюштирмоқчи бўлган, аммо 2012 йил охирида Калифорнияда террорчиликда гумонланиб бир неча киши қўлга олингач, ўз режаларидан воз кечган.
Эслатиб ўтамиз, 3 декабрь, пайшанбага ўтар кечаси Сан-Бернардинодаги ногиронлар уйида содир бўлган отишма оқибатида 14 киши ҳалок бўлган ва 17 киши жароҳатланган.
Аввалроқ Ризвон Форуқнинг шериги ва турмуш ўртоғи Ташфин Малик ИШИДга содиқликка қасамёд этгани маълум бўлгани ҳақида хабар бергандик.
Кейинроқ Энрике Маркес ҳужум ташкилотчиси Ризвон Форуқ билан қариндош эканлиги аниқланган эди.
Изоҳ (0)