Хитойнинг Weibo ижтимоий тармоғи ва Baidu қидирув тизими Хитой Халқ Республикаси раҳбариятининг Пхеньянга ташрифидан сўнг, қидирув натижаларида Шимолий Корея етакчиси Ким Чен Ин ҳақидаги Хитойда оммабоп бўлган фотоҳазилларни чиқармай қўйди. Бу ҳақда «Газета.ru» хабар бермоқда.
«Семиз Ким учинчи» (Ким Чен Иннинг Хитой интернетидаги ҳақоратли лақаби) сўрови бўйича Baidu доимгидек 15,7 миллионта натижа ўрнига 12 мингта натижани чиқариб бера бошлади. Бунда натижаларнинг бир қисми қонунчиликка мувофиқ ўчирилгани ҳақида маълумот келтирилди. Weibo эса умуман ҳеч қандай натижани чиқармай қўйди.
Шунингдек, Global Times нашрида Хитой интернет фойдаланувчиларидан Шимолий Корея етакчисини ҳақоратлашни бас қилишни расмий равишда сўрашди.
Изоҳ (0)