Ўзбекистон Соғлиқни сақлаш вазирлиги Кексаларни эъзозлаш йили муносабати билан «Ҳеч ким меҳр ва эътибордан четда қолмайди» шиори остида аҳолини чуқурлаштирилган тиббий кўрикдан ўтказиш ҳафталигини олиб бормоқда. Бу ҳақда Ташқи ишлар вазирлиги матбуот хизмати хабар берди.
Ижтимоий акцияда ихтисослаштирилган тиббий марказлар, илмий-тадқиқот институтлари ва тиббий ОТМлар етакчи олимлари ва юқори малакали шифокорлари иштирок этади.
Ушбу ҳафталик доирасида бошқалар билан бир қаторда уруш ва меҳнат фахрийлари, нуроний ёшдаги кишилар саломатлигига алоҳида эътибор берилади.
Таъкидланишича, жорий йилнинг ўзидагина чуқурлаштирилган тиббий кўрикдан 200 минг нафар кекса авлод вакиллари ва жисмоний имконияти чекланган кишилар ўтказилган. Касаллик аниқланган 7 минг уруш ва меҳнат фахрийларига республика тиббиёт марказлари ва клиникаларида ихтисослаштирилган тиббий ёрдам кўрсатилган.
Изоҳ (0)