16 октябрь, жума куни 46 вагондан иборат ва 2760 тонна ўрамли пўлат юкланган «Бинсиноу—Бинчжоухао» халқаро юк поезди Хитойнинг Шандун провинцияси, Босин уезди, Бинчжоу шаҳридан Ўзбекистонга қараб йўлга чиқди. Бу ҳақда Синхуа маълумотларига таяниб, «Газета.uz» хабар бермоқда.
Бу Ипак йўли иқтисодий минтақасидаги асосий шаҳарларни бир-бири билан боғлайдиган илк халқаро юк поезди ҳисобланади. Лойиҳага кўра, поезд бир магистрал ва икки тармоқ бўйлаб қатнайди. Асосий магистралда поезд Шинжон-Уйғур автоном туманидаги Алашанкоу шаҳридан Олмаота (Қозоғистон) орқали Тошкентга юкларни етказиб беради.
Мазкур масофа 5630 километрга тенг, поезд бу йўлни етти кунда босиб ўтади. Дастлаб ҳафтада бир марта қатнов йўлга қўйилиши кўзда тутилган.
Изоҳ (0)