Йўқолган Boeing йўловчиларининг қариндошлари судга мурожаат қилди

Изсиз йўқолган Малайзия «Boeing»и уч йўловчисининг қариндошлари Malaysia Airlines авиакомпанияси, шунингдек, Малайзия ҳукумати ва қироллик ҳарбий-ҳаво кучлари устидан шартнома шартларини бузганлик ва ишга масъулиятсиз ёндашганлик учун судга шикоят қилди. Бу ҳақда «ТАСС» хабар бермоқда.

Даъвода қайд этилишича, жавобгарлар «уларнинг оила аъзолари ўлимига сабаб бўлган зарарларни етказгани муносабати билан омма олдида узр сўраши керак». Бундан ташқари, авиаташувчи «чипта сотиш шартномасида мустаҳкамлаб қўйилган ўз мажбурияти — йўловчиларни якуний манзилга етказиш вазифасини бажармаган».

Бундан ташқари, даъвода таъкидланишича, «парвоз вақтида зарур даражада жавобгарликни таъминлай олмаган». Фуқаро авиацияси департаменти раҳбарияти эса «ҳаво кемасининг Малайзия жавобгарлиги ҳудудидаги хавфсиз парвози бўйича ўз мажбуриятларини бажармаган».

Даъвогарларнинг фикрича, «ҳарбий-ҳаво кучлари қўмондонлиги радарларда номаълум, кузатиб борилмаётган ҳаво кемаси пайдо бўлиши билан бу ҳолатни текшириши ва зарур чоралар кўриши керак эди, бироқ улар ҳам бундай қилмаган».