Яманнинг жанубий пойтахти ҳисобланган Адан шаҳрида 20 август, пайшанба куни кучли портлаш юз берди. Бу ҳақда «ТАСС» хабар бермоқда.
Маълумотларга кўра, портлаш натижасида тўрт киши ҳалок бўлган, яна 10 киши турли даражада тан жароҳати олган.
Қайд этишларича, портловчи қурилма маҳаллий маъмурият биноси олдида ишга туширилган. Теракт ортида ким тургани ҳақида ҳозирча ахборот йўқ.
Эслатиб ўтамиз, 2015 йил мартидан бери Яманда араб мамлакатлари коалициясининг исёнчи хусийларга қарши ҳарбий операцияси давом этмоқда.
Жумладан, июль ойида иттифоқчи кучлар Адандан исёнчи хусийларни сиқиб чиқарди ва бу уларнинг дастлабки йирик муваффақияти бўлди.
Изоҳ (0)