Жанубий Кореяда собиқ бош вазирга нисбатан чиқарилган айблов ҳукми ўз кучида қолдирилди

Корея Республикаси Олий суди мамлакатнинг собиқ бош вазири Хан Мён Сук йирик миқдорда пора олганлиги учун чиқарилган айблов ҳукмини ўз кучида қолдирди. Бу ҳақда «РИА Новости» хабар бермоқда.

Тергов манбаларига кўра, собиқ бош вазир 2007 йилда йирик қурилиш компанияси раҳбаридан сиёсий хайрия сифатида 880 миллион вон (760 минг доллар) олган, аммо қонуний тарзда расмийлаштирмаган. Бу ҳақда маъмурларга тадбиркорнинг ўзи хабар берган.

Аввалига Сеул округ суди далиллар етарли бўлмагани сабабли Хан Мён Сукни оқлаганди, аммо апелляция суди ишни қайта кўриб чиқишни талаб қилди. Охирги сўзни айтиши лозим бўлган Олий суд эса айбловни қўллаб-қувватлади.

Хан Мён Сук 2006-2007 йилларда Жанубий Корея ҳукумати раҳбари лавозимини эгаллаган ва бу мансабга тайинланган илк аёл бўлганди.