Бурундининг учинчи муддатга қайта сайланган президенти Пьер Нкурунзиза 20 август, пайшанба куни қасамёд қилди. Бу ҳақда «РИА Новости» хабар бермоқда.
Президент маъмуриятидан маълум қилишларича, Нкурунзиза «беш йил муддатга янги лавозимни бажаришга киришган». Agence France-Presse агентлиги маълумотларига кўра, маросим ҳақида олдиндан хабар берилмаган.
Май ойи бошида Бурундида, бир неча ҳафталик норозилик намойишларидан сўнг, давлат тўнтаришига уриниш юз берганди. Аҳоли норозилигига президент Пьер Нкурунзизанинг учинчи муддат учун ўз номзодини қўйиш қарори сабаб бўлганди. Мухолифатнинг фикрича, бу ҳолат конституцияга зид.
Президентнинг сўзларига кўра, унинг биринчи президентлик муддати қонун бўйича ҳисобга олинмайди, чунки ўшанда у парламент томонидан сайланганди. Мамлакат конституциявий суди Нкурунзизанинг учинчи муддат учун ўз номзодини қўйиш қарорини қонуний деб топганди.
Изоҳ (0)