Европанинг энг йирик илмий музейларидан бири — Париждаги Фан ва саноат шаҳарчасида ёнғин юз берди. Бу ҳақда Inquirer.net хабар бермоқда.
«Оловни ўчириш осон бўлмайди», — деди Париж ўт ўчириш хизмати вакили. France Info хабарига кўра, ёнғин бинонинг олти қаватини қамраб олган.
Қайд этишларича, келиб чиқиш сабаби номаълум бўлган ёнғин эрта тонгда қурилиш ишлари олиб борилаётган иншоотда бошланган. Охир-оқибат олов 10 минг квадрат метр майдонни эгаллаган.
Ҳодиса жойига 30 дона махсус техника етиб келган, 120 нафар ўт ўчирувчи ишламоқда, улардан икки нафари кичик тан жароҳати олган.
Париждаги Фан ва саноат шаҳарчаси жаҳондаги энг йирик илмий-техникавий музейлардан бири бўлиб, 1986 йилда очилган. Унга ҳар йили 5 миллионга яқин одам ташриф буюради.
Изоҳ (0)