Жанубий Корея қўшинлари юқори даражадаги жанговар тайёргарлик ҳолатига ўтказилди. Бу ҳақда «RBK» хабар бермоқда.
Ўз навбатида, Жанубий Корея миллий хавфсизлик вазирлигидаги манбаларнинг маълум қилишича, Шимолий Кореянинг чегара яқинидаги армия бўлинмалари ҳам тревога бўйича сафарбар этилган.
Жанубий Корея артиллерия отишмаси юз берган ҳудудга яқин жойдаги фуқароларни эвакуация қилиш ишларини олиб бормоқда. Мамлакатда миллий хавфсизлик кенгашининг фавқулодда мажлиси чақирилди.
20 август куни Жанубий ва Шимолий Корея ўртасидаги қуролсизлантирилган ҳудудда артиллерия отишмаси юз берди.
Хусусан, КХДР тарғибот хабарларини эшиттириш учун мўлжалланган Жанубий Кореянинг овоз кучайтиргичларига қарата 25 та снаряд учирди.
Бунга жавобан Жанубий Корея бир неча ўнлаб 155 миллиметрли артиллерия снарядларини КХДР томон отди.
Изоҳ (0)