Хитойлик собиқ кутубхоначи Сяо Юань судда Гуанчжоу тасвирий санъат академиясидан 143 та расм ўғирлаганлигини тан олди, деб хабар беради Associated Press.
Академия кутубхонасидаги галерея учун жавобгар бўлган Сяо расмларни ўғирлаб, уларни ўзи чизган нусхага алмаштириб қўйган. Кутубхоначининг сўзларига қараганда, у биринчи иш кунидаёқ галереядаги расмларнинг баъзилари қалбаки эканлигини пайқаган. Кейинроқ у ўзининг қалбаки суратларини ҳам кимдир ўғирлаб, бошқа нусхага алмаштириб кетаётганлигини аниқлаган.
Полиция жиноят ҳақида кутубхоначининг ҳамкасбидан билиб олган. Суратларни қалбакилаштирувчи рассом 2004 йилдан 2011 йилгача 125 та расмни кимошди савдосида сотиб, 34 миллион юанни (6 миллион доллар) қўлга киритган. Бу пулларга у уй ва бошқа расмларни сотиб олган.
Изоҳ (0)