Шимолий Корея ядро қуроли масаласида ўзини Эрон билан тенглаштирмасликларини талаб этади. Бу ҳақда КХДР ташқи ишлар вазирлиги вакилининг 21 июль, сешанба куни берган баёнотига асосланиб, «РИА Новости» хабар бермоқда.
«Бизнинг ядровий кучларимиз музокаралар чоғида савдолашиш учун восита эмас, балки мустақиллигимизни ҳимоя қилишнинг зарурий ҳимоя қуролидир», — дея таъкидлаган вакил.— АҚШнинг мамлакатимизга нисбатан тажовузкорона муносабати ўзгармас экан, Шимолий Корея ядровий кучлари масаласида ҳам ҳеч қандай ўзгариш бўлмайди».
Унинг айтишича, Пхеньян ядро дастурининг «музлатилиши» ёки ундан бир томонлама воз кечиш юзасидан маслаҳатлашувларга умуман муҳтож эмас.
Эслатиб ўтамиз, олдинроқ АҚШ Давлат департаменти Эрон билан тузилган келишув Шимолий Корея ўз ядро дастурини қайта кўриб чиқишига ундашига умид билдирган эди.
Изоҳ (0)