Қуёш батареясида ҳаракатланувчи Solar Impulse 2 самолёти 2015 йил 3 июль куни Гринвич вақти билан соат 16:05 да деярли беш кунлик парвоздан кейин Гавайига қўнди. Бу ҳақда миссиянинг Twitter’даги саҳифасида хабар берилган.
Япониянинг Нагоя шаҳридан осмонга кўтарилган самолёт Тинч океани устида 8 минг километрдан ортиқ масофани босиб ўтди. Аввалроқ, Solar Impulse 2 учувчиси 5,5 минг километрни 80 соатда босиб ўтиб, бир учувчи томонидан бошқарилган самолётнинг парвози давомийлиги бўйича рекорд ўрнатган эди.
Эслатиб ўтамиз, самолётнинг дунё бўйлаб саёҳати 2015 йил 9 март куни Абу-Дабидан бошланган эди. Учувчилар Андре Боршберг ва Бертран Пикар ўзаро алмашиб БАА, Уммон, Ҳиндистон, Мяньма, Хитой ва Япония ҳудудларини босиб ўтиб, АҚШга етиб келди. Энди АҚШнинг материк қисми, Канада ва Европа устидан учиш режалаштирилган.
Изоҳ (0)