Жанубий Суданда июнь ойида қўзғаган вабо эпидемияси қурбонлари сони 29 кишига етди. «РИА Новости»нинг БМТ Гуманитар масалаларни мувофиқлаштириш бошқармасига асосланиб хабар беришича, мамлакатда минглаб одамлар мазкур касаллик билан зарарланиш хавфи остида яшамоқда.
Ҳозиргача вабо билан зарарланган беморлар сони 484 кишига етган, уларнинг олти нафарини беш ёшгача бўлган болалар ташкил этади.
Эпидемияни тўхтатиш бўйича шошилинч чоралар кўрилаётганига қарамай, беш ёшгача бўлган қарийб 5 минг боланинг вабо билан касалланиб, ҳалок бўлиши хавфи мавжуд.
Айни вақтда Жаҳон соғлиқни сақлаш ташкилоти ва гуманитар ходимлар вабога қарши эмлаш ишларини олиб бормоқда. Жанубий Судан Соғлиқни сақлаш вазирлиги эпидемия ҳақида 23 июнь куни – касаллик натижасида 18 киши ҳалок бўлганидан сўнг маълум қилганди.
Ўтган йили Жанубий Суданда вабо эпидемияси натижасида камида 167 киши вафот этганди.
Изоҳ (0)