Quyosh batareyasida harakatlanuvchi samolyot Gavayiga qo‘ndi
Quyosh batareyasida harakatlanuvchi Solar Impulse 2 samolyoti 2015-yil 3-iyul kuni Grinvich vaqti bilan soat 16:05 da deyarli besh kunlik parvozdan keyin Gavayiga qo‘ndi. Bu haqda missiyaning Twitter’dagi sahifasida xabar berilgan.
Yaponiyaning Nagoya shahridan osmonga ko‘tarilgan samolyot Tinch okeani ustida 8 ming kilometrdan ortiq masofani bosib o‘tdi. Avvalroq, Solar Impulse 2 uchuvchisi 5,5 ming kilometrni 80 soatda bosib o‘tib, bir uchuvchi tomonidan boshqarilgan samolyotning parvozi davomiyligi bo‘yicha rekord o‘rnatgan edi.
Eslatib o‘tamiz, samolyotning dunyo bo‘ylab sayohati 2015-yil 9-mart kuni Abu-Dabidan boshlangan edi. Uchuvchilar Andre Borshberg va Bertran Pikar o‘zaro almashib BAA, Ummon, Hindiston, Myanma, Xitoy va Yaponiya hududlarini bosib o‘tib, AQShga yetib keldi. Endi AQShning materik qismi, Kanada va Yevropa ustidan uchish rejalashtirilgan.
