Мексиканинг Сан Педро Уамелула шаҳарчаси мэри Хоэль Васкес Рохаснинг тимсоҳ билан никоҳ тўйи бўлиб ўтди, деб хабар қилади International Business Times.
Бу маросим шаҳар мэри учун биринчиси эмас, Рохас ўтган йили ҳам тимсоҳга уйланганди.
Маросимда «келин»га тўй либосини кийдиришди. Никоҳ ваъдалари айтилиб, бошқа расм-русумлар амалга оширилгач, куёв келиндан бўса олди. Бу вақтда тимсоҳнинг оғзи боғлаб қўйилганди.
Тўй маросими якунланганидан сўнг судралиб юрувчи сувга қўйиб юборилди.
Ушбу маросим шаҳарнинг гуллаб-яшнаши учун ўтказилди. Маҳаллий аҳоли барча балиқчиларнинг ови серҳосил бўлишига умид қилмоқда. Қайд этилишича, тўйнинг барча харажатларини шаҳар аҳолиси ўз бўйнига олган.
Изоҳ (0)