АҚШ ҳукумати Халқаро футбол федерацияси (ФИФА)даги коррупция иши тергови муносабати билан 47 пункт бўйиа айбловни илгари сурди, дея хабар бермоқда Meduza.io.
Жиноят иши бўйича жами 14 киши, жумладан, ФИФАнинг тўққиз ходими тергов қилинмоқда. Илгари сурилган айбловлар орасида товламачилик, пора олиш ва пул ювиш каби жиноятлар бор. Гумонланувчиларнинг олти нафари ўзига қўйилган айбни тан олган.
АҚШ Адлия вазирлиги баёнотида қайд этилишича, 24 йилдан бери амалда бўлган «халқаро футболда коррупция йўли билан бойиш схемаси» фош этилган.
Жиноятда гумон қилинаётганлар орасида Шимолий ва Марказий Америка ва Кариб ҳавзаси мамлакатлари футбол конфедерацияси (КОНКАКАФ) президенти, ФИФА вице-президенти Жеффри Уэбб, ундан аввал ушбу лавозимларда иш олиб борган Жек Уорнер кабилар бор.
Жиноят иши материалларида умумий ҳисобда 150 миллион доллар атрофидаги поралар ҳақида сўз боради.
Изоҳ (0)