Бартомеу: «Барселона»ни издан чиқаришмоқчи

«Барселона» президенти Хосеп Мария Бартомеу жамоа бош мураббийи Луис Энрике ва «Реал» устози Карло Анчелотти ҳақида ОАВларда тарқалган хабарларга ўз муносабатини билдирди, деб хабар қилади «Championat.com».

Аввалроқ, агар Анчелотти «Реал»дан истеъфога чиқадиган бўлса, «кўк-анорранглилар» уни «Барселона»га таклиф қилмоқчилиги ҳақида хабар берилганди.

«Луис Энрикенинг шартномаси бор ва у жамоани бошқаришда давом этаверади. У жуда яхши иш олиб борди. Келажакда биз у билан келишувни узайтиришни муҳокама қиламиз. Анчелотти ҳақидаги маълумотга келсак, бу қип-қизил ёлғон. Буларнинг бари «Барселона»ни издан чиқаришга ҳаракат қилишмоқчи деб ўйлашимизга мажбур этмоқда», — деди Бартомеу.