АҚШ биринчи хоними Мишель Обама ўзининг фитнес-машғулотларидан бирини жамоатчилик эътиборига ҳавола қилди. People’нинг хабар беришича, тегишли видеоролик Оқ уйнинг Facebook’даги саҳифасида эълон қилинган.
People’нинг баён этишича, Мишель ўзи 2015 йилда бошлаган #GimmeFive кампанияси доирасида жисмоний ҳолатини намойиш этган. Ушбу тарғибот акцияси давомида қатнашчилар соғлом турмуш тарзи олиб боришнинг беш йўлини ўйлаб топишлари ва бу ҳақда ижтимоий тармоқларда маълум қилишлари керак.
https://youtu.be/AId-rpiZtoU
Мишель Обаманинг сўзларига кўра, у ўз турмуш ўртоғи – Барак Обаманинг #GimmeFive доирасида эълон қилган видеороликка жавобан ўз машғулотларидан намуналарни жамоатчилик эътиборига ҳавола этган.
Бу АҚШ биринчи хонимининг соғлом турмуш тарзини олиб боришга қаратилган илк саъй-ҳаракатлари эмас. Масалан, у 2010 йилдан бери мактабларда соғлом овқатланишни тарғиб этиб келади. Унинг ташаббуси билан таълим муассасаларида ўқувчиларнинг рационида мева-сабзавотлар, шунингдек, оқсилга бой егуликлар бўлишини назарда тутувчи дастур қабул қилинган.
Изоҳ (0)